Հայաստանի Հանրապետության 31-ամյակի կապակցությամբ, Բելգրադի Եվրոպական ուսումնասիրությունների ինստիտուտում Սերբիայում ՀՀ դեսպան Աշոտ Հովակիմյանը հանդես եկավ դասախոսությամբ «Հայաստան՝ մարտահրավերներ և առաջընթացի ուղին» խորագրով

26 սեպտեմբերի, 2022

Սեպտեմբերի 26-ին, Հայաստանի Հանրապետության 31-ամյակի կապակցությամբ, Բելգրադի Եվրոպական ուսումնասիրությունների ինստիտուտում Սերբիայում ՀՀ դեսպան Աշոտ Հովակիմյանը հանդես եկավ դասախոսությամբ «Հայաստան՝ մարտահրավերներ և առաջընթացի ուղին» խորագրով։ Հաշվի առնելով Հայաստանի դեմ սեպտեմբերի 13-ին Ադրբեջանի կողմից իրականացված լայնածավալ ագրեսիան, դեսպանը, քարտեզների և լուսանկարների ցուցադրությամբ, հիմնականում անդրադարձավ ագրեսիայի հետևանքներին, հայ զինվորների և քաղաքացիական անձանց նկատմամբ իրագործած ոճրագործություններին, ներկայացրեց Հայաստանի բնակավայրերին և ենթակառուցվածքներին հասցրած վնասը՝ կարևորելով Ադրբեջանի գործողությունների նկատմամբ հասցեական արձագանքն ու ագրեսիայի հետևանքների վերացման ուղղությամբ պահանջները։

Իր ելույթում և մասնակիցների բազմաթիվ հարցադրումներին պատասխանելիս, ՀՀ դեսպան Աշոտ Հովակիմյանը խոսեց Հայաստանի անվտանգությանն ու զարգացմանը սպառնացող վտանգների և մարտահրավերների, Հայաստանի և Սերբիայի միջև երկկողմ հարաբերությունների, Հայաստանում ժողովրդավարության և բարեփոխումների օրակարգի, հարևան երկրերի և գերտերությունների հետ Հայաստանի կողմից տարվող քաղաքականության մասին, ներկայացնելով նաև առաջ շարժվելու և ապագայի մասին իր տեսլականը։ Դասախոսությունը հեռարձակվում էր առցանց, նրան անդրադարձան մի շարք ազդեցիկ սերբական լրատվական գործակալություններ և մամուլը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր