Աշխատանքային այցով Չեխիայում էր գտնվում Հայաստանի Հանրապետության Ոստիկանության պատվիրակությունը՝ ՀՀ Ոստիկանության գլխավոր շտաբի պետ Արմեն Մկրտչյանի գլխավորությամբ

05 օգոստոսի, 2022

Չեխիայի Հանրապետության Անվտանգության ուժերի գլխավոր տեսչության հրավերով՝ աշխատանքային այցով Չեխիայում էր գտնվում Հայաստանի Հանրապետության Ոստիկանության պատվիրակությունը՝ ՀՀ Ոստիկանության գլխավոր շտաբի պետ Արմեն Մկրտչյանի գլխավորությամբ։ Օգոստոսի 2-ին այցի մեկնարկային հանդիպմանը, տեսչության տնօրեն Ռադիմ Դրագունի հրավերով, ներկա էր ՀՀ դեսպան Աշոտ Հովակիմյանը:

Հայկական կողմին ներկայացվեցին Չեխիայի Անվտանգության ուժերի գլխավոր տեսչության գործունեությունն ու գործառույթները, քննարկվեցին տեսչության և ՀՀ Ոստիկանության միջև համագործակցության և փորձի փոխանակման հեռանկարները։

Օգոստոսի 5-ին դեսպան Աշոտ Հովակիմյանը ՀՀ Ոստիկանության պատվիրակությանը հյուրընկալեց դեսպանությունում, որտեղ քննարկվեցին Հայաստանի և Չեխիայի համապատասխան գերատեսչությունների միջև համագործակցության ընթացքը, անդրադարձ կատարվեց ապագայում այդ համագործակցության հետագա ընդլայնման հնարավորություններին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր