Դեսպան Աշոտ Հովակիմյանը հյուրընկալեց Չեխիայի խորհրդարանի Սենատի Հանրային կառավարման, տարածաշրջանային զարգացման և շրջակա միջավայրի հարցերով կոմիտեի նախագահ, սենատոր Զբինյեկ Լինհարթին և ԵՄ հարցերով կոմիտեի փոխնախագահ, սենատոր Պետր Օրելին

04 մայիսի, 2022

Մայիսի 4-ին դեսպան Աշոտ Հովակիմյանը հյուրընկալեց Չեխիայի խորհրդարանի Սենատի Հանրային կառավարման, տարածաշրջանային զարգացման և շրջակա միջավայրի հարցերով կոմիտեի նախագահ, սենատոր Զբինյեկ Լինհարթին և ԵՄ հարցերով կոմիտեի փոխնախագահ, սենատոր Պետր Օրելին, ովքեր ս․թ․ մարտին այցելել էին Հայաստան՝ ՀՀ Շրջակա միջավայրի նախարարության, Չեխիայի Բնապահպանության գործակալության և Ֆիննական Շրջակա միջավայրի պաշտպանության ինստիտուտի հետ համատեղ իրականացվող «Կենսաբազմազանության հզորացված պաշտպանություն և կայուն օգտագործում Հայաստանում՝ Եվրոպական միության չափանիշներին համապատասխան» թվինինգ ծրագրի ներքո։ Կողմերն ամփոփեցին այցի արդյունքներն ու քննարկեցին ծրագրի ընթացքն ու ակնկալիքները, անդրադարձ կատարվեց չեխական կողմի հետ ոլորտում հետագա համագործակցության ընդլայնման հնարավորություններին և միջ-տարածաշրջանային համագործակցության զարգացման հեռանկարներին։ Զրուցակիցները քննարկեցին խորհրդարանական դիվանագիտության շրջանակներում երկկողմ օրակարգն ու առաջիկա ծրագրերը, ապա լայն անդրադարձ կատարվեց տարածաշրջանում վերջին զարգացումներին ու դրանց հետևանքներին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր