Հայոց ցեղասպանության 107-րդ տարելիցի ոգեկոչման շրջանակներում Զագրեբում կայացավ «Խոստումը» ֆիլմի ցուցադրությունը

27 ապրիլի, 2022

Ապրիլի 27-ին Զագրեբում, Հայոց ցեղասպանության 107-րդ տարելիցի ոգեկոչման շրջանակներում, Խորվաթիայում ՀՀ դեսպան Աշոտ Հովակիմյանի բարձր հովանավորությամբ, Խորվաթիայի հայ համայնքը կազմակերպեց ամերիկյան «Խոստումը» ֆիլմի ցուցադրությունը, որին նախորդեց ընդունելություն։ Մասնակիցների թվում էին Խորվաթիայի պաշտոնյաներ, խորհրդարանի անդամներ, մի շարք երկրների դեսպաններ և դիվանագետներ, մշակութային և հասարակական գործիչներ և Խորվաթիայում բնակվող բազմաթիվ հայեր։

Բացման խոսքով հյուրերին ողջունեցին Խորվաթիայում ՀՀ դեսպան Ա․Հովակիմյանը և հայ համայնքի ներկայացուցիչ Կարինե Կարիբյան-Ֆիլիպովիչը։ Դեսպանն անդրադարձավ Հայոց ցեղասպանության ճանաչման, միջազգային հարթակներում ցեղասպանությունների կանխարգելմանն ու դատապարտմանն ուղղված ՀՀ ջանքերին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր