Հայոց ցեղասպանության 107-րդ տարելիցի ոգեկոչման շրջանակներում Բելգրադում տեղի ունեցավ ծաղկեպսակների զետեղման արարողություն

20 ապրիլի, 2022

Ապրիլի 20-ին Բելգրադում, Հայոց ցեղասպանության 107-րդ տարելիցի կապակցությամբ, Զեմունի այգու Սուրբ Միքայել և Գաբրիյել Հրեշտակապետերի եկեղեցու առջև տեղադրված հայկական խաչքարի մոտ տեղի ունեցավ ծաղկեպսակների զետեղման արարողություն՝ ի հիշատակ Հայոց Ցեղասպանության զոհերի։ Արարողությունը, որին ներկա էին Սերբիայի ԱԳՆ ներկայացուցիչը, Սերբիայում ԱՄՆ, Ֆրանսիայի դեսպանները, Ռուսաստանի Դաշնության դեսպանության խորհդականը, բազմաթիվ սերբահայեր և Հայաստանի սերբ բարեկամներ, կազմակերպել էին Սերբիայում ՀՀ դեսպանությունը և Սերբիայի հայկական միությունը։ ՀՀ դեսպան Աշոտ Հովակիմյանը և Սերբիայի հայկական միության նախագահ Սամվել Այվազյանը, դեսպանությունների, հասարակական կազմակերպությունների ներկայացուցիչներ ծաղկեպսակներ և ծաղիկներ զետեղեցին խաչքարին։ ՀՀ դեսպանը ներկաներին դիմեց օրվա խորհրդին նվիրված ուղերձով։
Այնուհետև կայացավ ՀՀ դեսպանի և Սերբիայի հայկական միության անդամների միջև հանդիպում, որտեղ դեսպանը պատասխանեց համայնքի անդամներին հուզող հարցերին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր