ՀՀ դեսպան Աշոտ Հովակիմյանն այցելեց Լիդիցե քաղաք և հուշահամալիր, որտեղ դեսպանին հյուրընկալեցին Լիդիցեի քաղաքապետ Վերոնիկա Կելլերովան և Լիդիցեի հուշահամալիրի տնօրեն Էդուարդ Ստեհլիկը

17 մարտի, 2022

Մարտի 17-ին ՀՀ դեսպան Աշոտ Հովակիմյանն այցելեց Լիդիցե քաղաքը և հուշահամալիրը, որտեղ դեսպանին հյուրընկալեցին Լիդիցեի քաղաքապետ Վերոնիկա Կելլերովան և Լիդիցեի հուշահամալիրի տնօրեն Էդուարդ Ստեհլիկը։ Դեսպանը բարձր գնահատեց մարդկության դեմ հանցագործությունների մասին իրազեկման և դրանց հետագա կանխարգելման ուղղությամբ Լիդիցեի քաղաքային իշխանությունների ու հուշահամալիրի կողմից իրականացվող ծրագրերն ու նախաձեռնությունները։ Ա.Հովակիմյանը ներկայացրեց նաև ցեղասպանությունների կանխարգելման գործում ՀՀ կողմից տարվող օրակարգն ու միջազգային ասպարեզում ձեռնարկած նախաձեռնությունները։ Կողմերը բարձր գնահատեցին Լիդիցեի կերպարվեստի մանկական միջազգային ցուցահանդեսի շրջանակներում Հայաստանից դպրոցների շարունակական մասնակցությունը և քննարկեցին հետագա համագործակցությունը։ ՀՀ դեսպանը ծաղկեփունջ զետեղեց Լիդիցեի քաղաքապետարանի դիմաց 1986թ․ զետեղված մեծանուն հայ քանդակագործ Դավիթ Երևանցու՝ Խաղաղություն և մայրություն խորհրդանշող բրոնզե քանդակին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր