Նոյեմբերի 1-3-ին ՀՀ դեսպան Աշոտ Հովակիմյանն աշխատանքային այցով գտնվում էր Սերբիայում

03 նոյեմբերի, 2021

Նոյեմբերի 1-3-ին ՀՀ դեսպան Աշոտ Հովակիմյանն աշխատանքային այցով գտնվում էր Սերբիայում:

Նոյեմբերի 2-ին ՀՀ դեսպանին ընդունեց Սերբիայի ներքին գործերի նախարար Ալեքսանդար Վուլինը: Հանդիպման ընթացքում քննարկվեցին ՀՀ և Սերբիայի իրավապահ մարմինների միջև համագործակցության զարգացման հեռանկարները, կազմակերպված հանցագործության և ահաբեկչության դեմ համատեղ պայքարը:

Նույն օրը դեսպանին ընդունեց Սերբիայի էկոնոմիկայի նախարար Անջելկա Ատանասկովիչը: Խոսք գնաց Հայաստանի և Սերբիայի միջև տնտեսական հարաբերությունների ակտիվացման, նոր հնարավորությունների ուսումնասիրման, գործարար համաժողովների և առաքելությունների կազմակերպման, միջկառավարական համատեղ հանձնաժողովի ստեղծման անհրաժեշտության մասին:

Նոյեմբերի 3-ին ՀՀ դեսպանին ընդունեց Սերբիայի փոխվարչապետ և պաշտպանության նախարար Նեբոյշա Ստեֆանովիչը: ՀՀ դեսպանը մանրամասն ներկայացրեց Արցախի դեմ Թուրքիայի ակտիվ մասնակցությամբ Ադրբեջանի կողմից իրականացված ագրեսիայի հետևանքների, ԵԱՀԿ Մինսկի խմբի համանախագահության շրջանակներում Լեռնային Ղարաբաղի հակամարտության կարգավորման, Ադրբեջանում հայ ռազմագերիների և քաղաքացիական անձանց շարունակվող պատանդառության վերաբերյալ տեղեկատվությունը: Քննարկվեցին Հայաստանի և Սերբիայի միջև երկկողմ հարաբերությունների ընդլայնման հնարավորությունները:

Այցի ընթացքում ՀՀ դեսպանը հանդիպումներ ունեցավ Սերբիայի նախագահի աշխատակազմում, ԱԳ նախարարության արարողակարգի նորանշանակ տնօրեն Միրյանա Յերեմիչի, նախկին ԱԳ նախարար Իվան Մրկիչի, մի շարք դեսպանների հետ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր