ՀՀ դեսպան Աշոտ Հովակիմյանի մասնակցություն Բելգրադում կայացած մի շարք միջոցառումներին

02 նոյեմբերի, 2021

Նոյեմբերի 2-ին Բելգրադի կենտրոնում գտնվող ,,Սինգիդունում,, պատկերասրահում, բազմաթիվ արվեստասերների ներկայությամբ, ՀՀ դեսպան Աշոտ Հովակիմյանը մասնակցեց սերբահայ հայտնի նկարչուհի Անամարիյա Վարդապետյանի անհատական ցուցահանդեսի բացմանը: ,,Մարդակային հպում,, ընդհանուր խորագրով ցուցահանդեսում ներկայացված էր նաև Արցախի վերջին պատերազմին նվիրված նկարների շարք: Դեսպանը բարձր գնահատական տվեց Անամարիյա Վարդապետյանի ցուցադրած գործերի գեղարվեստական և մարդասիրական արժեքին:

Նոյեմբերի 3-ին ՀՀ դեսպան Աշոտ Հովակիմյանը ներկա գտնվեց Բելգրադի երաժշտական փառատոնի շրջանակներում (BEMUS) տեղի ունեցած բացառիկ համերգին, որին հանդես եկան հայ հռչակավոր երաժիշտներ Խաչատուր Ալմազյանը, Հրաչյա Ավանեսյանը և Նարեկ Հախնազարյանը Չայկովսկու և Շոստակովիչի գործերի կատարմամբ: Հայ անվանի երաժիշտներին իր փայլուն կատարումով միացավ Սեզար Ֆրանկի դաշնամուրային քվինտետի համերգի կատարմամբ տաղանդավոր հայ երիտասարդ դաշնակահարուհի Էվա Գևորգյանը:

Բելգրադում գտնվելու օրերին Բռնցքամարտի ՀՀ ֆեդերացիայի նախագահ Հովհաննես Հովսեփյանի ուղեկցությամբ ՀՀ դեսպանն այցելեց նաև բռնցքամարտի աշխարհի առաջնության նախնական փուլի մենամարտերը, աջակցություն հայտնելով ՀՀ բռնցքամարտի հավաքականի մեր փայլուն մարզիկներին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր