Հուլիսի 26-ին Չեխիայի Օլոմուցի երկրամասային թանգարանում կայացավ hայկական պատմամշակութային ժառանգությանը և ականավոր հայ անհատականություններին նվիրված ցուցահանդեսների հանդիսավոր բացումը

26 հուլիսի, 2021

Հուլիսի 26-ին Չեխիայի Օլոմուցի երկրամասային թանգարանում կայացավ hայկական պատմամշակութային ժառանգությանը և ականավոր հայ անհատականություններին նվիրված, ինչպես նաև Ռոբին Բյոհնիշի՝ «Հայաստան. լեռների, եկեղեցիների և գինիների երկիր» լուսանկարների շրջիկ ցուցահանդեսների հանդիսավոր բացումը Օլոմուցի երկրամասի ղեկավարի տեղակալ Դալիբոր Հորակի և դեսպանության առաջին քարտուղար Անահիտ Կարապետյանի, երկրամասային խորհրդի մշակույթի և ժառանգության պաշտպանության հարցերով ներկայացուցիչ Յան Ժուրեկի և Օլոմուցի երկրամասային թանգարանի տնօրեն Բժետիսլավ Հոլաշեկի մասնակցությամբ։ Միջոցառումն անցկացվեց երկրամասի ղեկավար Յոզեֆ Սուխանեկի և Չեխիայում ՀՀ դեսպան Աշոտ Հովակիմյանի հովանու ներքո։

Ցուցահանդեսները թանգարանում կցուցադրվեն մինչև օգոստոսի 15-ը` https://www.vmo.cz/.../kulturni-dedictvi-unesco---armenie

Ի տեղեկություն՝ ծրագիրն իրականացվում է Սլավոնական մշակույթի օրերի ավանդական փառատոնի ընդլայնված ձևաչափի շրջանակներում, որն այժմ արդեն ներկայացնում է տարեկան 3-4 այլ երկրներ։ Փառատոնի հայկական մասն անցկացվում է Չեխիայում Հայաստանի դեսպանության հովանու ներքո: Ծրագրի մասին լրացուցիչ տեղեկությունների համար այցելեք ՝ https://www.cultural-heritage.cz/armenie/

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր