Պրահայում կայացավ Հայաստան և Արցախ այցելած չեխ լրագրողներ Մարկետա Կուտիլովայի և Լենկա Կլիցպերովայի հեղինակած «Poslední zapálí vesnici» (Վերջինը հրկիզում է գյուղը)` Արցախյան վերջին պատերազմի մասին գրքի շնորհանդեսը

22 հուլիսի, 2021

Հուլիսի 22-ին Պրահայում կայացավ Արցախյան պատերազմի ընթացքում և դրան հաջորդող ժամանակահատվածում մի քանի անգամ Հայաստան և Արցախ այցելած չեխ լրագրողներ Մարկետա Կուտիլովայի և Լենկա Կլիցպերովայի հեղինակած «Poslední zapálí vesnici» (Վերջինը հրկիզում է գյուղը)` Արցախյան վերջին պատերազմի մասին գրքի շնորհանդեսը։ Հեղինակները հարցուպատասխանի տեսքով հանդիսատեսի հետ կիսվեցին այդ այցելությունների ժամանակ իրենց տեսածով և վերապրածով։ Միջոցառմանը պատվավոր հյուրի կարգավիճակով ներկա գտնվեց և ողջույնի խոսքով հանդես եկավ ՀՀ դեսպան Աշոտ Հովակիմյանը, ով խորին շնորհակալություն հայտնեց հեղինակներին իրենց կատարած աշխատանքի և չեխական մեդիա դաշտում ու լայն հասարակության շրջանում Արցախյան պատերազմի մասին իրազեկվածության բարձրացման համար: Դեսպանը ներկայացրեց Արցախի դեմ ադրբեջանա-թուրքական տանդեմի ագրեսիայի նկրտումներն ու հետպատերազմական իրավիճակը՝ կարևորելով ԵԱՀԿ ՄԽ համանախագահության ձևաչափի ներքո խաղաղ բանակցային գործընթացի միջոցով ԼՂ հակամարտության կարգավորումը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր