Փետրվարի 25-ին Խորվաթիա կատարած աշխատանքային այցի շրջանակներում ՀՀ դեսպան Աշոտ Հովակիմյանը հանդիպում ունեցավ Խորվաթիայի Արտաքին և Եվրոպական գործերի նախարարության քաղաքական հարցերով պետական քարտուղար Ֆրանո Մատուշիչի հետ

25 փետրվարի, 2021

Փետրվարի 25-ին Խորվաթիա կատարած աշխատանքային այցի շրջանակներում ՀՀ դեսպան Աշոտ Հովակիմյանը հանդիպում ունեցավ Խորվաթիայի Արտաքին և Եվրոպական գործերի նախարարության քաղաքական հարցերով պետական քարտուղար Ֆրանո Մատուշիչի հետ։

Զրուցակիցները մտքեր փոխանակեցին հայ-խորվաթական օրակարգի մի շարք հարցերի շուրջ, մասնավորապես, կարևորեցին տարբեր մակարդակներով երկկողմ հանդիպումների, փոխայցելությունների ակտիվացման և քաղաքական խորհրդակցությունների անցկացման ուղղությամբ համատեղ ջանքերի գործադրումը։

Բարձր գնահատվեց կողմերի միջև համագործակցությունը բազմակողմ հարթակներում, ինչպես նաև Հայաստան-Եվրոպական Միության և ԵՄ Արևելյան գործընկերության շրջանակներում։

ՀՀ դեսպանը ընդգծեց ԵԱՀԿ Մինսկի խմբի համանախագահության շրջանակներում ԼՂ խաղաղ գործընթացի վերականգնման անհրաժեշտությունը և հայ ռազմագերիների անհապաղ վերադարձի հրամայականը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր