ՀՀ դեսպան Աշոտ Հովակիմյանի հանդիպումները Սլովենիայի խորհրդարանի Ազգային ժողովի Սլովենիա-Հայաստան բարեկամական պատգամավորական խմբի և ԵԽԽՎ Սլովենիայի պատվիրակության ղեկավար Սուզանա Լեպ Շիմենկոյի հետ

23 փետրվարի, 2021

Փետրվարի 23-ին ՀՀ դեսպան Աշոտ Հովակիմյանը Լյուբլյանայում հանդիպում ունեցավ Սլովենիայի խորհրդարանի Ազգային ժողովում վերջերս ստեղծված Սլովենիա-Հայաստան բարեկամական պատգամավորական խմբի անդամների հետ՝ Անդրեյ Չեռնիգոյի գլխավորությամբ։

Կողմերը հաստատեցին երկու երկրների միջև հարաբերությունների ամրապնդման կարևորությունը, քննարկեցին միջխորհրդարանական համագործակցության հեռանկարները:

ՀՀ դեսպանը հանդիպեց նաև ԵԽԽՎ Սլովենիայի պատվիրակության ղեկավար Սուզանա Լեպ Շիմենկոյի հետ։

Հանդիպումների ընթացքում հանգամանալից ներկայացվեցին Արցախի դեմ ադրբեջանաթուրքական ագրեսիայի մանրամասները և հետևանքները, ստեղծված հումանիտար ճգնաժամի հասցեագրման ուղղությամբ ձեռնարկվող քայլերը, ԵԱՀԿ Մինսկի խմբի համանախագահության շրջանակներում ԼՂ խաղաղ գործընթացի վերականգնման անհրաժեշտությունը: Դեսպանը ընդգծեց հայ ռազմագերիների անհապաղ վերադարձի հրամայականը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր