Սերբիայում ՀՀ դեսպան Աշոտ Հովակիմյանի հարցազրույցը սերբական N1 հեռուստաընկերությանը

02 հոկտեմբերի, 2020

Հայաստանի դեսպան. Հարձակումը՝ Արցախը ոչնչացնելու թուրք-ադրբեջանական ծրագրի մաս է

Հայաստանի դեսպան Աշոտ Հովակիմյանն ասում է, որ այսօր տեղի է ունեցել Լեռնային Ղարաբաղի քաղաքների «ծանր ռմբակոծությունը»՝ գնահատելով, որ սկսվել է մեկ ազգի կործանում: Նա ասում է, որ բախումները՝ Արցախը (Լեռնային Ղարաբաղը) ոչնչացնելու թուրք-ադրբեջանական ծրագրի մի մասն են կազմում: Նա ընդգծում է, որ Հայաստանը կողմ է բանակցային սեղանի շուրջ նստելուն: Պատասխանելով Սերբիայից Հայաստան զենքի արտահանման վերաբերյալ հարցին, դեսպանն ասաց, որ նրանք հրապարակավ չեն խոսում ռազմատեխնիկական համագործակցության մասին, և տարեվերջին ամեն ինչ կներառվի զեկույցներում:

N1 -Մեծ տերությունների պատմական որոշումները՝ Լեռնային Ղարաբաղը դարձրել են դժվար լուծելի տարածքային վեճերից մեկը, ինչպիսին է նաև Կոսովոն:
Միջազգային-իրավաբանական առումով ադրբեջանական, պատմականորեն և ազգաբնակչությամբ՝ հայկական, Լեռնային Ղարաբաղը, այսինքն ՝ ինքնահռչակ Արցախի Հանրապետությունը, 25 տարի շարունակ գոյատևում է Հայաստանի և Ադրբեջանի միջև՝ <<փխրուն>> զինադադարի պայմաններում:
Վեց օր առաջ Հարավային Կովկասում կրկին վերսկսվեց հրաձգություն, շատ լուրջ զենքերից, ներառյալ՝ Սերբիայում արտադրվածները:
Սերբիայում՝ Հայաստանի ոչ ռեզիդենտ դեսպան Աշոտ Հովակիմյանը, ով գտնվում է Պրահայում, ասում է.

ԱՀ - Հակամարտությունը սկսել են ադրբեջանցիները, ինչը հենց իրենք են հաստատել: Նրանք իրականացնում են այն, ինչ վաղուց փափագում էին՝ Թուրքիայի օգնությամբ։ Այնպես որ, դա Արցախը ոչնչացնելու թուրք-ադրբեջանական ծրագիրն է, - հայտարարում է դեսպանը՝ N1 Studio Live-ին հյուրընկալման ժամանակ:
- Հաղորդումից անմիջականորեն առաջ լուր ստացա՝ Արցախի մայրաքաղաք Ստեփանակերտի, և Հադրութ քաղաքի ծանր ռմբակոծության մասին: Խաղաղ բնակչության մեջ մեծ ավերածություններ կան, այնպես որ, սա ազգի ոչնչացման սկիզբ է, - հայտարարել է դեսպանը:
Այն հարցին, թե ո՞րն է այս հակամարտությունում Հայաստանի նպատակը, Հովակիմյանն ասաց, որ դա սեփական հողի վրա ապրելն է, զարգացումը, և հայ բնակչության անվտանգության ապահովումը՝ «իրենց պատկանող տարածքում»: Մենք ուզում ենք, որ մեր երեխաները մեծանան այդ տարածքում, այլ ոչ թե՝ ցեղասպանություն լինի:
Նա ասում է, որ Արցախը «Հայաստանի կողմից բռնազավթում չէ» ՝ հիշեցնելով, որ Լեռնային Ղարաբաղը հանրապետություն հռչակեց այն նույն ժամանակ, երբ Ադրբեջանը լքեց ԽՍՀՄ-ը:
«Սա ոչ թե հակամարտություն է՝ Հայաստանի և Ադրբեջանի, այլ Լեռնային Ղարաբաղի և Ադրբեջանի միջև», - ասաց նա:
«Հայաստանը կոչ է անում նստել բանակցությունների սեղանի շուրջ»:
Դեսպանի խոսքով, երկու կողմերը պետք է նստեն բանակցությունների սեղանի շուրջ, «քանի որ կա մեկ միջազգային ձևաչափ, ընդունված միջազգային հանրության կողմից. Դեռևս 2009թ.-ին Աթենքում ԵԱՀԿ նախարարական հանդիպումը հաստատեց, որ հակամարտությունը պետք է կարգավորվի միջազգային իրավունքի երեք սկզբունքների հիման վրա՝ ուժի չկիրառում, պետությունների տարածքային ամբողջականություն, մարդու իրավունքներ և ազգերի ինքնորոշման իրավունք: Այս հարցը պետք է լուծվի տվյալ շրջանակներում, և ոչ թե վերջնագրեր դնելով․ երկու-երեք կողմերը պետք է նստեն բանակցությունների սեղանի շուրջ և համաձայնության գան ապագայի վերաբերյալ:
Բանակցություններն երբեք չեն դադարեցվել, իսկ 1994-ին Հայաստանի, Լեռնային Ղարաբաղի և Ադրբեջանի միջև հրադադար հաստատվեց, որն այժմ խաթարում է Ադրբեջանը: Հայաստանը երբեք չի հրաժարվել բանակցություններից, մենք նույնիսկ հիմա կոչ են անում նստելու բանակցությունների սեղանի շուրջ, սակայն պարոն (Ադրբեջանի նախագահ Իլհամ) Ալիևը հրաժարվեց ԵԱՀԿ-ի (ՄԽ համանախագահմերի) մասնակցությունից, - ասում է Հ1-ի հյուրը:
Այդ պատճառով Ադրբեջանը պետք է դադարեցնի ագրեսիան, պետք է դուրս մղվեն Թուրքիան և ահաբեկիչները Ադրբեջանի տարածքից, ովքեր ցանկանում են պայքարել Լեռնային Ղարաբաղի դեմ, - ասաց նա, ավելացնելով, որ հայերն այժմ պայքարում են միջազգային ահաբեկչության դեմ:
- Մեր հիմնական պահանջն է՝ Թուրքիային զսպելը, որը մտել է որպես հակամարտության կողմ, - ընդգծում է N1-ի հյուրը: Ոչ միայն Հայաստանն ունի ապացույցներ, այլև միջազգային հանրությունը: Այսօր ԵՄ գագաթնաժողովին Թուրքիային կոչ է հղված, և Թուրքիայի դեմ պատժամիջոցներ են նախապատրաստվում: Այն, որ նրանք այնտեղ են բերել ահաբեկիչներին, ոչ մի գաղտնի տեղեկատվություն չէ՝ բոլոր խոշոր պետություններն ընդունել են դա: Մեկ այլ բան ևս. Թուրքիան ղեկավարում է նաև Ադրբեջանի օդային հարձակումը: Այնտեղ կան թուրքական F-16 ինքնաթիռներ», - ասում է դեսպանը:
- Տեղի են ունենում զանգվածային ռմբակոծություններ: Երեկ Հայաստանի տարածքում հայտնաբերվել է չորս անօդաչու թռչող սարք, իսկ դա արդեն հենց Հայաստանի ներքաշումն է այդ հակամարտության մեջ, - ընդգծում է հաղորդման հյուրը:
- Կարծես թե, հայերի ցեղասպանությունից 100 տարի անց, Թուրքիան ներգրավվում է և ցանկանում լուծել հայ ժողովրդի գոյության հարցը Հարավային Կովկասում` հայ ժողովրդի բնօրրանում, կարծես թե սա է նրանց ծրագիրը: Այն, ինչ նրանք անում են, դրան է տանում:
Մենք կպաշտպանենք մեր երկիրը մինչ այն պահը, երբ ագրեսիան ավարտվի, բայց կրկնում եմ, որ մենք կողմ ենք խաղաղ, փոխզիջումային լուծմանը, որը կհամապատասխանի Հայաստանի, Լեռնային Ղարաբաղի և Ադրբեջանի ժողովուրդներին,- նշում է դեսպանը:
- Նա գտնում է, որ քարտեզին նայելիս, Հայաստանը «խոչընդոտում է մի թուրքական ծրագրին», և որ ամբողջ իրավիճակին պետք է «խորքային» նայել:

Զենքի և Կոսովոյի վերաբերյալ

N1 - Սերբիայի համար մեծ թեմա է այն, որ այս հակամարտությունում մարդկանց սպանում են՝ մեր երկրում արտադրված զենքով, իսկ 2017 թվականից 19 արտահանման թույլտվություններից 15-ը ձեռք է բերել մեկ մասնավոր ընկերություն:

ԱՀ - Դեսպանն ասում է, որ Հայաստանը չունի որևէ սահմանափակում զենք ներմուծելու համար, որ տարեվերջին զեկույցներ կներկայացվեն, որոնք, ինչպես ինքն է ասում, Հայաստանը պետք է ներկայացնի, համաձայն ՄԱԿ-ի և ԵԱՀԿ-ի առջև ստանձնած պարտավորությունների:
- Մենք հրապարակավ չենք խոսում մեր ռազմատեխնիկական համագործակցության մասին, - ասաց Հովակիմյանը, հավելելով, որ ամբողջական տեղեկատվություն կտրվի, երբ կգա հաշվետվություններ տալու ժամանակը: Սերբիայի կառավարությունը տեղեկացրեց, թե ինչպես է այդ ամենն եղել, և մենք դրան ավելացնելու որևէ բան այլևս չունենք, - ասաց դեսպանը: Ըստ նրա՝ Հայաստանը զենք է գնում տարբեր երկրներից, և պնդում է, որ Ադրբեջանն էլ ավելին է գնում: Իսկ Հայաստանն այն, ինչ անում է՝ անում է օրինական ճանապարհով,- հավելեց դեսպանը:
Հարցին, թե ինչպե՞ս կանդրադառնան Սերբիայի հնարավոր մերձեցմանը Բաքվի հետ և արդյո՞ք դա կազդի Կոսովոյի նկատմամբ Հայաստանի դիրքորոշման փոփոխության վրա, N1-ի հյուրը պատասխանեց, որ դա Սերբիայի արտաքին քաղաքականության հարց է, որ նա այստեղ ասելիք չունի, սակայն ավելացրեց. «Թող (Սերբիան) նայի, թե ինչ է անում Ադրբեջանը, ահաբեկիչներ ներմուծելով, խաղաղ բնակիչներ սպանելով:
- Սուրբ Սավայից մինչև 20-րդ դար բարեկամական շատ կապեր են եղել սերբերի և հայերի միջև: Հայաստանը չի ճանաչում Կոսովոն, բայց դա դիրքորոշում է առանց շանտաժի, մենք սպասում ենք, որ հարցը քաղաքական լուծում ստանա,- ասում է նա, և ընդգծում, որ այն, ինչ անում է Սերբիան Կոսովոյի հետ, Ադրբեջանը երբեք չի արել Լեռնային Ղարաբաղի հետ»:
Հայաստանը չի ճանաչել Կոսովոն ոչ միայն այդ պատճառով, այլև խորը պատմական հարաբերությունների պատճառով:

N1-ը հարցազրույցի հրավեր է ուղարկել նաև Ադրբեջանի դեսպանություն: Հուսով ենք՝ հնարավորություն կունենանք լսել նաև նրանց տեսակետները: Հիշեցնենք, որ վերջերս Ադրբեջանի դեսպանը ձերբակալվել էր կոռուպցիայի կասկածանքով:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր