Ավանդական ամանորյա ձեռնարկ Պրահայում Հայաստանի դեսպանությունում

13 հունվարի, 2018

2018թ. հունվարի 13-ին Չեխիայի Հանրապետությունում ՀՀ դեսպանությունում տեղի ունեցավ ավանդական ամանորյա տոնական ձեռնարկ, որին մասնակցեցին Չեխիայի հայ համայնքի բազմաթիվ ներկայացուցիչներ:

Երեկոյի ընթացքում ներկաները դիտեցին ռեժիսոր Էդգար Բաղդասարյանի և «Վեմ մեդիա արվեստներ» ստուդիայի նկարահանած «Արարատից Սիոն» ֆիլմը, որը ներկայացնում է հայ ժողովրդի դերն ու ներդրումը քաղաքակրթության մեջ, քրիստոնեության առաքելության և Սուրբ հողի վրա հայերի ներկայության մասին է:

Բացման խոսքով հանդես եկավ Չեխիայում ՀՀ դեսպան Տիգրան Սեյրանյանը, ով ներկաներին շնորհավորեց Ամանորի և Սուրբ Ծննդյան տոների առթիվ, հակիրճ ամփոփեց 2017թ-ին իրականացված ծրագրերն, ինչպես նաև 2018թ-ին ծրագրվող միջոցառումները և ներկայացրեց ֆիլմի ստեղծման պատմությունն ու բովանդակությունը:

Ֆիլմի ավարտից հետո իր մեկնաբանությունները ներկայացրեց և հյուրերին դիմեց Չեխիայում, Սլոակիայում, Հունգարիայում հայ համայնքների հոգևոր հովիվ Բարսեղ վարդապետ Փիլավչյանը:

Ձեռնարկի ավարտին հետևեց հյուրասիրություն:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր