Չեխական Լիդիցեում բացվեց կերպարվեստի 45-րդ միջազգային մանկական ցուցահանդեսը

01 հունիսի, 2017

Հունիսի 1-ին Չեխիայի Հանրապետության Լիդիցե քաղաքում հանդիսավոր պայմաններում բացվեց կերպարվեստի 45-րդ միջազգային մանկական ցուցահանդեսը, որի թեման էր «Շրջագայություն»-ը:

Ցուցահանդեսը հիմնադրվել է 1967թ. ի հիշատակ նացիստական Գերմանիայի կողմից Լիդիցե քաղաքում սպանված, ինչպես նաև պատերազմներում զոհված բոլոր երեխաների: 1973թ-ից ի վեր այս ցուցահանդեսը ձեռք է բերել մեծ համբավ և դարձել Եվրոպայի, ինչպես նաև աշխարհի ամենախոշոր և հին մանկական ցուցահանդեսներից մեկը:

Այս տարի միջազգային ձեռնարկին մասնակցում է 83 պետություն և 1834 կազմակերպություն, ցուցադրության է դրվել 25690 աշխատանք: Ժյուրին 76 պետությունների 531 աշխատանքների շնորհել է մրցանակներ, որից 94-ը` մեդալներ: Այս տարվա գլխավոր մրցանակն ստացավ Մոսկվայի թիվ 1955 դպրոցը:

Հայաստանի երեխաների պատվոգրերը, ինչպես և նախորդ տարիներին, կրկին բազմաթիվ էին: «Լիդիցեի վարդ» մեդալին արժանացավ Դիլիջանի Շարամբեյանի անվան մանկական գեղարվեստական դպրոցի 8-ամյա սան Նարե Թովմասյանը: Դպրոցի մի այլ սան` 14-ամյա Լիանա Մարտիրոսյանը արժանացել է պատվոգրի: Պատվոգրեր են տրվել նաև Ղափանի գեղարվեստի մանկական դպրոցից 15-ամյա Հասմիկ Կարապետյանին, Ներքին Գետաշենի թիվ 2 դպրոցի 8-ամյա աշակերտ Մաքսիմ Բաղդասարյանին և Երևանի Վարդգես Գուլիկյանի անվան արվեստի դպրոցի 10-ամյա սան Լիլյա Մարգարյանին: Մեդալն ու պատվոգրերը կուղարկվեն Հայաստան և հանդիսավոր պայմաններում կհանձնվեն հաղթողներին:

Ցուցահանդեսի բացման պատիվն այս տարի ի թիվս մեծերի տրվել էր մրցույթի ամենափոքրիկ մեդալակրին` 4-ամյա սլովակ Քսենյա

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր