ՀՀ դեսպանի նախաձեռնությամբ Բելգրադում Կենսաբազմազանության միջազգային օրվա առթիվ կազմակերպվել է համաժողով

22 մայիսի, 2026

Մայիսի 22-ին Բելգրադում, Կենսաբազմազանության միջազգային օրվա առթիվ, դեսպան Աշոտ Հովակիմյանի նախաձեռնությամբ` ՄԱԿ-ի Զարգացման ծրագրի (UNDP) և Սերբիայի Հանրապետության շրջակա միջավայրի պաշտպանության նախարարության կողմից կազմակերպվեց «From Local Initiatives to Global Impact – Serbia on the Road to CBD COP17» խորագրով համաժողովը՝ նվիրված 2026 թվականի հոկտեմբերին Երևանում կայանալիք Կենսաբազմազանության մասին կոնվենցիայի կողմերի 17-րդ համաժողովին (CBD COP17)։

Միջոցառման բացմանը ընթերցվեց Սերբիայում ՀՀ դեսպան Աշոտ Հովակիմյանի ուղերձը, որում ներկայացվեցին Հայաստանի՝ որպես COP17-ը հյուրընկալող երկրի առաջնահերթությունները, ինչպես նաև Երևանում կայանալիք համաժողովի կարևորությունը կենսաբազմազանության պահպանության և Կունմին-Մոնրեալի համաշխարհային կենսաբազմազանության շրջանակի իրականացման համատեքստում։

Ելույթներ ունեցան Սերբիայում ՄԱԿ-ի Զարգացման ծրագրի մշտական ներկայացուցիչ Յակուպ Բերիշը, Սերբիայում Շվեդիայի դեսպան Շարլոտ Սամելինը և Սերբիայի Հանրապետության շրջակա միջավայրի պաշտպանության նախարար Սարա Պավկովը։

Համաժողովի շրջանակներում անցկացվեցին պանելային քննարկումներ՝ նվիրված Սերբիայում համաշխարհային կենսաբազմազանության շրջանակի իրականացման ընթացքին, ինչպես նաև կենսաբազմազանության պահպանության, վերականգնման և կայուն կառավարման հարցերին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր