ՀՀ դեսպանը հյուրընկալեց Պրահայում ընթացող գեղասահքի աշխարհի առաջնությունում Հայաստանը ներկայացնող սպորտային զույգին

27 մարտի, 2026

Մարտի 27-ին ՀՀ դեսպան Աշոտ Հովակիմյանը տիկնոջ հետ հյուրընկալեցին Պրահայում ընթացող գեղասահքի աշխարհի առաջնությունում Հայաստանը ներկայացնող Կարինա Ակոպովա - Նիկիտա Ռախմանին սպորտային զույգին, ովքեր զբաղեցրել են 8-րդն հորիզոնականը՝ գրանցելով ամենաբարձր արդյունք Հայաստանի գեղասահքի պատմության մեջ:

Հայաստանը ներկայացնող սպորտային զույգն առաջին անգամ է աշխարհի առաջնությունում հայտնվել լավագույն տասնյակում, որի շնորհիվ Հայաստանը վաստակել է հետագայում ևս մեկ զույգ ներկայացնելու հնարավորություն: Կարինա Ակոպովան և Նիկիտա Ռախմանինը նաև մեծահասակների աշխարհի գավաթի «Գրան-Պրի»-ի երկու ուղեգիր են նվաճել: Հանդիպմանը ներկա էր նաև Հայաստանի հավաքականի գեղասահորդ Սեմյոն Դանիելյանցը:

ՀՀ դեսպանը ջերմորեն շնորհավորեց մարզիկներին՝ բարձր արդյունքի համար և մաղթեց մոտ ապագայում նոր նվաճումների հասնել:

Դեսպանի շնորհավորանքներին միացավ հանդիպմանը որպես հատուկ հյուր հրավիրված «Հայաստանի գեղեցկուհի 2026» ազգային գեղեցկության մրցույթի հաղթող, Չեխիայի գեղասահքի եռակի չեմպիոն Մոնիկա Արսինե Հարությունյանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր