Դեկտեմբերի 11-ին ՀՀ դեսպան Աշոտ Հովակիմյանը տիկնոջ հետ ներկա գտնվեցին Չեռնոգորիայի նախագահ Յակով Միլատովիչի կողմից տրված Ամանորյա հանդիսավոր ընթրիքին՝ Չեռնոգորիայում հավատարմագրված դիվանագիտական ներկայացուցչությունների ղեկավարների համար

11 դեկտեմբերի, 2025

Դեկտեմբերի 11-ին ՀՀ դեսպան Աշոտ Հովակիմյանը տիկնոջ հետ Չեռնոգորիայի Հին մայրաքաղաք Ցետինյեում, Կառավարության տանը ներկա գտնվեցին Չեռնոգորիայի նախագահ Յակով Միլատովիչի կողմից տրված Ամանորյա հանդիսավոր ընթրիքին՝ Չեռնոգորիայում հավատարմագրված դիվանագիտական ներկայացուցչությունների ղեկավարների համար: ՀՀ դեսպանի և նախագահ Միլատովիչի միջև տեղի ունեցավ կարճատև զրույց:

Չեռնոգորիա կատարած այցի ընթացքում ՀՀ դեսպանը հանդիպումներ ունեցավ Կրթության, գիտության և նորարարության նախարարության պետական քարտուղար Ֆիկրետ Լուլանայի և միջազգային համագործակցության, եվրոպական ինտեգրման և ԵՄ հիմնադրամների գլխավոր տնօրինության գլխավոր տնօրեն Մարկո Վուկաշինովիչի հետ՝ քննարկելու նորարարության, ստեղծարար տեխնոլոգիաների, ստարտափերի բնագավառում երկկողմ համագործակցությունը։

Արտաքին գործերի նախարարությունում դեսպան Հովակիմյանը հանդիպում ունեցավ Երկկողմ հարաբերությունների գլխավոր տնօրինության գլխավոր տնօրեն Մարիյա Ստյեպչևիչի և Դիվանագիտական արարողակարգի տնօրեն, դեսպան Մարիյա Ջերկովիչ Պետրովիչի հետ։

Չեռնոգորիայի խորհրդարանում դեսպանին ընդունեցին խորհրդարանի փոխնախագահ, Չեռնոգորիա-Հայաստան պատգամավորական բարեկամության խմբի նախագահ Զդենկա Պոպովիչը և խմբի անդամներ Վլադիմիր Բակրաչը և Բրանկա Մարկովիչը։ Քննարկվեցին բարեկակամության խմբերի փոխայցելությունների հեռանկարները։

Անդրադարձ է կատարվել նաև տարածաշրջանային վերջին զարգացումներին՝ առանձնանշելով Հարավային Կովկասում հաստատված խաղաղության պայմաններում հաղորդակցային ենթակառուցվածքների ապաշրջափակմամբ ընձեռնվելիք տնտեսական հնարավորությունները: Այս համատեքստում Աշոտ Հովակիմյանը զրուցակիցներին է ներկայացրել ՀՀ կառավարության «Խաղաղության խաչմերուկ» նախագիծը և վերջինիս կարևոր բաղադրիչ «ԹՐԻՓՓ ուղի» ծրագիրը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր