Հոկտեմբերի 30-ին Բելգրադի Հիլթոն հյուրանոցում տեղի ունեցավ ընդունելություն՝ նվիրված Հայաստանի Հանրապետության Անկախության 34-րդ տարեդարձին

30 հոկտեմբերի, 2025

Հոկտեմբերի 30-ին Բելգրադի Հիլթոն հյուրանոցում տեղի ունեցավ ընդունելություն՝ նվիրված Հայաստանի Հանրապետության Անկախության 34-րդ տարեդարձին։ Ընդունելության ընթացքում պաշտոնապես ներկայացվեց “Diplomacy & Commerce” ամսագրի՝ Հայաստանին նվիրված InFocus Armenia հավելվածը։

Միջոցառմանը ներկա էին Սերբիայի գենդերային հավասարության, կանանց նկատմամբ բռնության կանխարգելման, ինչպես նաև կանանց տնտեսական և քաղաքական հզորացման հարցերով նախարար Տատյանա Մացուրան, արտաքին գործերի պետական քարտուղար Դամյան Յովիչը, աշխատանքի, զբաղվածության, վետերանների և սոցիալական հարցերի նախարարության պետական քարտուղար Զորան Անտիչը և նախարարի տեղակալ Դանիյել Իգրեցը; Սերբիայում հավատարմագրված դիվանագիտական ներկայացուցչությունների բազմաթիվ ղեկավարներ և դիվանագետներ, Սերբիայի ԱԺ պատգամավորներ, գիտական, մշակութային, հասարակական շրջանակների, Սերբիայի հայ համայնքի ներկայացուցիչներ:

Հյուրերին ուղղված ողջույնի խոսքով հանդես եկան Սերբիայում ՀՀ դեսպան Աշոտ Հովակիմյանը, նախարար Տատյանա Մացուրան, ինչպես նաև “Diplomacy & Commerce” ամսագրի հիմնադիր Ռոբերտ Չոբանը։ Իր խոսքում Սերբիայում ՀՀ դեսպան Աշոտ Հովակիմյանն անդրադարձավ ՀՀ արտաքին քաղաքական առաջնահերթություններին, անվտանգային օրակարգի հարցերին, ինչպես նաև հայ-սերբական հարաբերությունների զարգացման հեռանկարներին: Անդրադառնալով օգոստոսի 8-ին Վաշինգտոնում Հայաստանի, Ադրբեջանի և ԱՄՆ ղեկավարների կողմից ստորագրված հռչակագրին՝ դեսպանն ընդգծեց վերջինիս նշանակությունը Հարավային Կովկասի տարածաշրջանում խաղաղության հաստատման գործում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր