Չեռնոգորիայում ՀՀ դեսպան Աշոտ Հովակիմյանին ընդունեց Չեռնոգորիայի վարչապետ Զդրավկո Կրիվոկապիչը

18 մայիսի, 2021

Մայիսի 18-ին Չեռնոգորիայում ՀՀ դեսպան Աշոտ Հովակիմյանին ընդունեց Չեռնոգորիայի վարչապետ Զդրավկո Կրիվոկապիչը: Ջերմ և բարեկամական զրույցի ընթացքում վարչապետը պատրաստակամություն հայտնեց նոր լիցք հաղորդելու հայ-չեռնոգորական ավանդական հարաբերություններին, ակտիվացնելով համագործակցությունը, հատկապես, տնտեսական, մշակութային, կրթական, առողջապահական ոլորտներում, զարգացնելով զբոսաշրությունը, վերականգնելով Երևան և Պոդգորիցա (նախկին Տիտոգրադ) քույր մայրաքաղաքների երբեմնի աշխույժ կապերը:

ՀՀ դեսպանը հանգամանալից ներկայացրեց Արցախի դեմ ադրբեջանաթուրքական ագրեսիայի մանրամասները և հետևանքները, ստեղծված հումանիտար ճգնաժամի հասցեագրման ուղղությամբ ձեռնարկվող քայլերը, հայ ռազմագերիների անհապաղ վերադարձի հրամայականը, Ադրբեջանի ԶՈՒ կողմից Հայաստանի ինքնիշխան տարածքում իրականացված սադրիչ գործողությունների հետևանքով ՀՀ սահմանամերձ մարզերում ստեղծված իրավիճակը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր