Չեռնոգորիայում ՀՀ դեսպան Աշոտ Հովակիմյանը հանդիպում ունեցավ Չեռնոգորիայի Ազգային ժողովի պատգամավոր, ԵԽԽՎ-ում Չեռնոգորիայի պատվիրակության ղեկավար Մայա Վուկիչևիչի հետ

18 մայիսի, 2021

Մայիսի 18-ին Չեռնոգորիայում ՀՀ դեսպան Աշոտ Հովակիմյանը հանդիպում ունեցավ Չեռնոգորիայի Ազգային ժողովի պատգամավոր, ԵԽԽՎ-ում Չեռնոգորիայի պատվիրակության ղեկավար Մայա Վուկիչևիչի հետ:

Հանդիպման ընթացքում նշվեց ԵԽԽՎ-ում երկու երկրների խորհրդարանական պատվիրակությունների միջև համագործակցության և տեղեկատվության փոխանակման անհրաժեշտությունը: ՀՀ դեսպանը հանգամանալից ներկայացրեց Արցախի դեմ ադրբեջանաթուրքական ագրեսիայի մանրամասները և հետևանքները, ստեղծված հումանիտար ճգնաժամի հասցեագրման ուղղությամբ ձեռնարկվող քայլերը, ԵԱՀԿ Մինսկի խմբի համանախագահության շրջանակներում ԼՂ խաղաղ գործընթացի վերականգնման անհրաժեշտությունը: Դեսպանը ընդգծեց նաև հայ ռազմագերիների անհապաղ վերադարձի հրամայականը և այդ խնդրի շուրջ վերջերս ԵԽԽՎ նիստում տեղի ունեցած քննարկման կարևորությունը: Զրուցակցի ուշադրությունը հրավիրվեց նաև Ադրբեջանի ԶՈՒ կողմից Հայաստանի ինքնիշխան տարածքում իրականացված սադրիչ գործողությունների հետևանքով ՀՀ սահմանամերձ մարզերում ստեղծված իրավիճակին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր