Դեսպան Հովակիմյանը Զագրեբում հանդիպումներ ունեցավ Խորվաթիայի խորհրդարանի Խորվաթիա-Հայաստան միջխորհրդարանական բարեկամության խմբի նախագահի և խմբի անդամների հետ

29 հունվարի, 2025

Հունվարի 29-ին դեսպան Հովակիմյանը Զագրեբում հանդիպումներ ունեցավ Խորվաթիայի խորհրդարանի Խորվաթիա-Հայաստան միջխորհրդարանական բարեկամության խմբի նախագահ Դարիո Պուշիչի և խմբի անդամների, Խորհրդարանի փոխնախագահ Ֆուրիո Ռադինի, Եվրոպական հարցերի հանձնաժողովի նախագահ Ելենա Միլոշի հետ: Քննարկվեցին խորհրդարանական համագործակցության շարունակման, հետագա ակտիվացման հարցեր:

Դեսպան Հովակիմյանը ներկայացրեց Հարավային Կովկասում անվտանգային իրավիճակը, Հայաստան-Ադրբեջան հարաբերությունների կարգավորման գործընթացի վերաբերյալ հայկական կողմի դիրքորոշումները, ՀՀ կառավարության կողմից մշակված «Խաղաղության խաչմերուկ» նախագիծը, պատասխանեց պատգամավորների հարցերին։

Անդրադառնալով «ԵՄ-ին ՀՀ անդամակցելու գործընթացի մեկնարկի մասին» օրինագծին` ՀՀ դեսպանը նշել է, որ ՀՀ կառավարության կողմից տրված դրական եզրակացությունը համահունչ է ԵՄ և անդամ պետությունների հետ ՀՀ փոխգործակցության խորացման տեմպերին և ՀՀ քաղաքացիների եվրոպական ձգտումներին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր