«Գրքերի աշխարհ» (Svět knihy) գրքի միջազգային տոնավաճառի և գրական փառատոնի հրավերով և Չեխիայում ՀՀ դեսպանության համագործակցությամբ Պրահայում էր գտնվում hանրահայտ հայ արձակագիր Նարինե Աբգարյանը

25 մայիսի, 2024

Մայիսի 25-26-ը «Գրքերի աշխարհ» (Svět knihy) գրքի միջազգային տոնավաճառի և գրական փառատոնի հրավերով և Չեխիայում ՀՀ դեսպանության համագործակցությամբ, առաջին անգամ Պրահայում էր գտնվում hանրահայտ հայ արձակագիր Նարինե Աբգարյանը՝ չեխական Պրոստոր հրատարակչության կողմից իր վերջին «Շարունակել ապրել» պատմվածքների ժողովածուի չեխերեն թարգմանության հրատարակման կապակցությամբ: Սա հայ հեղինակի արդեն երրորդ գիրքն է, որը լույս է տեսնում չեխերեն:

Նարինե Աբգարյանի մասնակցությունը փառատոնին նշանավորվեց երկրպագուների հետ հետաքրքիր պանելային քննարկումներով, որոնց ընթացքում նա կիսվել է իր ստեղծագործությունների հիմքում ընկած մտահղացումներով և ոգեշնչումներով, պատասխանել բազմաթիվ հարցերի: Միջոցառումները ներառում էին նաև գրքերի մակագրում, որն առաջացրեց չեխ ընթերցողների աննախադեպ խանդավառությունը:

Մայիսի 26-ին Նարինե Աբգարյանը հանդիպեց Չեխիայում հայ համայնքի ներկայացուցիչների հետ, ինչը փառատոնի պատմության մեջ առաջին դեպքն էր, երբ հրավիրված հեղինակը հանդիպում է իր հայրենակիցներին, ինչը թույլ տվեց համայնքի անդամներին անմիջականորեն շփվել սիրված հեղինակի հետ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր