Նոյեմբերի 13-ին կայացավ «Մարդը կարիքի մեջ» չեխական մարդասիրական կազմակերպության կողմից նախաձեռնված՝ «Հայաստան՝ մարդասիրական կարիքների անցյալը, ներկան և ապագան» թեմայով հանդիպում-քննարկումը

13 նոյեմբերի, 2023

Նոյեմբերի 13-ին կայացավ «Մարդը կարիքի մեջ» չեխական մարդասիրական կազմակերպության կողմից նախաձեռնված՝ «Հայաստան՝ մարդասիրական կարիքների անցյալը, ներկան և ապագան» թեմայով հանդիպում-քննարկումը: ՀՀ դեսպան Աշոտ Հովակիմյանը հանդես եկավ բացման խոսքով՝ բարձր գնահատելով կազմակերպության գործունեությունը Հայաստանում, ապա ներկայացնելով Ադրբեջանի էթնիկ զտման քաղաքականության արդյունքում ստեղծված հումանիտար իրավիճակը և ԼՂ հայերի հումանիտար կարիքների հասցեագրման ուղղությամբ ՀՀ կառավարության կողմից նախաձեռնվող քայլերն ու նախատեսվող ծրագրերը: Ներկաների հետ հարցուպատասխանի շրջանակներում դեսպանն անդրադարձավ տարածաշրջանային անվտանգությանը վերաբերող թեմաներին, ինչպես նաև ՀՀ կողմից ներկայացվող «Խաղաղության խաչմերուկ» ծրագրի սկզբունքներին և հայ-ադրբեջանական հարաբերությունների կարգավորման գործընթացին:

Հանդիպմանը ելույթներով հանդես եկան «Մարդը կարիքի մեջ» կազմակերպության հայաստանյան գրասենյակի մամուլի և հասարակայնության հետ կապերի պատասխանատու Շուշանիկ Ներսեսյանը և կազմակերպության Հայաստանյան ծրագրերի պատասխանատու Միխալ Զելբան, ովքեր ներկայացրեցին Ադրբեջանի սեպտեմբերյան ագրեսիայի արդյունքում ԼՂ-ից բռնի տեղահանված անձանց ՀՀ Սյունիքի մարզում դիմավորելու գործընթացը և ՀՀ-ում իրականացվող հունանիտար ծրագրերը: Կազմակերպության Արևելյան գործընկերության և Բալկանների գծով տարածաշրջանային տնօրեն Պետր Դրբոհլավը ներկայացրել է ՀՀ մարզերում ԼՂ-ից տեղահանված անձանց համար իրականացված՝ առաջին անհրաժեշտության պարագաների տրամադրման ծրագիրը և առաջիկայում դրա շարունակականության ապահովման մտադրությունը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր