Կյանքի կոչվեց «Լեռնային Ղարաբաղում զինված հակամարտությունից տուժած երեխաների հոգեբանական-սոցիալական վերականգնում» ծրագիրը

15 հոկտեմբերի, 2022

Սլովենիայում ՀՀ դեսպանության և Սլովենիայի ԱԳՆ համագործակցության արդյունքում 2022թ․ հոկտեմբերի 15-ին կյանքի կոչվեց «Լեռնային Ղարաբաղում զինված հակամարտությունից տուժած երեխաների հոգեբանական-սոցիալական վերականգնում» ծրագիրը, որը իրականացվում է Սլովենիայի «Մարդու անվտանգության խթանում» (ITF) կազմակերպության կողմից և ֆինանսավորվում՝ Սլովենիայի կառավարության և ԵԱՀԿ-ում Ավստրիայի մշտական ներկայացուցչության կողմից։

Հոկտեմբերի 15-ից 21-ը Սլովենիայի Դեբելի Ռտիչ հանգստավայր մեկնած 11 երեխաներ Սլովենիայի Կարմիր Խաչի Առողջության և երիտասարդության առողջարանում կանցնեն բժշկական վերականգնողական ծրագիր՝ ներառյալ հիդրոթերապիա, շնչառական ֆիզիոթերապիա, դիմադրողականության ամրապնդման վարժություններ և այլն։

Հոկտեմբերի 15-ին երեխաներին այցելեցին Սլովենիայում ՀՀ դեսպան Աշոտ Հովակիմյանը և «Մարդու անվտանգության խթանում» կազմակերպության տնօրեն, դեսպան Տոմաշ Լովրենչիչը՝ ծրագրերի տնօրեն Նատաշա Ուրշիչի, Սլովենիայի ԱԳՆ, Սլովենիայի Կարմիր Խաչի և ԵԱՀԿ-ում Ավստրայի մշտական ներկայացուցչության անդամների ուղեկցությամբ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր