Չեխիայի Վիսոչինա երկրամասի Տելչ քաղաքում տեղի ունեցավ «Թվային համագործակցություն հանուն տարածաշրջաններում կիբերանվտանգության և կայունության» խորագրով ԵՄ և ԱլԳ երկրների մասնակցությամբ համաժողով

06 հոկտեմբերի, 2022

ԵՄ խորհրդում Չեխիայի նախագահության շրջանակներում Չեխիայի Վիսոչինա երկրամասի Տելչ քաղաքում hոկտեմբերի 6-ին տեղի ունեցավ «Թվային համագործակցություն հանուն տարածաշրջաններում կիբերանվտանգության և կայունության» խորագրով ԵՄ և ԱլԳ երկրների մասնակցությամբ համաժողովը: ՀՀ պատվիրակության կազմում էր Չեխիայում ՀՀ դեսպանության երկրորդ քարտուղար Արամ Քարամյանը։

ՀՀ պատվիրակությունը հանդես եկավ «Վստահության ամրապնդման միջոցներ և գործընկերություն կիբերանվտանգության ոլորտում» ելույթով, ինչպես նաև անդրադարձ կատարեց տարիներ շարունակ ադրբեջանական սոցիալական հարթակներում հայերի նկատմամբ խտրականության, ատելության խոսքի տարածմանը՝ որպես դրա աղաղակող հետևանքներից նշելով օրեր առաջ ադրբեջանական հատուկ ջոկատայինների կողմից անզեն հայ ռազմագերիների գնդակահարման տեսանյութի տարածումը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր