«Դվորժակի Պրահա 2022» երաժշտական փառատոնի շրջանակներում ՀՀ դեսպան Աշոտ Հովակիմյանը Պրահայի հայտնի Ռուդոլֆինում համերգասրահում ներկա գտնվեց բացման համերգին՝ չեխ հանրահայտ կոմպոզիտոր Անտոնին Դվորժակի «Ջրահարս» օպերայի համերգային ներկայացմամբ

19 սեպտեմբերի, 2022

Սեպտեմբերի 19-ին «Դվորժակի Պրահա 2022» երաժշտական փառատոնի շրջանակներում ՀՀ դեսպան Աշոտ Հովակիմյանը Պրահայի հայտնի Ռուդոլֆինում համերգասրահում ներկա գտնվեց բացման համերգին՝ չեխ հանրահայտ կոմպոզիտոր Անտոնին Դվորժակի «Ջրահարս» օպերայի համերգային ներկայացմամբ: Գլխավոր դերում հանդես եկավ աշխարհահռչակ լիտվահայ սոպրանո Հասմիկ Գրիգորյանը, ով իր փայլուն կատարման համար արժանացավ չեխ հանդիսատեսի բարձր գնահատանքի և տաս րոպե չդադարող ոտնկայս ծափահարությունների:

Փառատոնի շրջանակներում «Ջրահարս» օպերայի երեք ներկայացումները՝ Հասմիկ Գրիգորյանի կատարմամբ և Չեխիայի ֆիլհարմոնիկի նվագախմբի գլխավոր դիրիժոր Սեմյոն Բիչկովի ղեկավարությամբ, անցկացվում են Չեխիայում Հայաստանի դեսպան Աշոտ Հովակիմյանի և Լիտվայի դեսպան Լայմոնաս Տալատ-Կելպսայի պատվավոր հովանու ներքո։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր