ՀՀ դեսպան Աշոտ Հովակիմյանն առցանց հարթակով մասնակցեց«Ազգային հիշողությամբ՝ պատմության վերանայման դեմ» խորագրով համաժողովին

09 դեկտեմբերի, 2021

Դեկտեմբերի 9-ին, Ցեղասպանության հանցագործության զոհերի հիշատակի և արժանապատվության և այդ հանցագործության կանխարգելման միջազգային օրվա առթիվ, ՀՀ դեսպան Աշոտ Հովակիմյանն առցանց հարթակով մասնակցեց Սերբիայի Կրթության, գիտության և տեխնոլոգիական զարգացման նախարարության և Բելգրադի համալսարանի կողմից համատեղ կազմակերպված համաժողովին՝ «Ազգային հիշողությամբ՝ պատմության վերանայման դեմ» խորագրով:

Իր ելույթում ՀՀ դեսպանը ներկայացրեց Հայոց ցեղասպանության իրողությունը, միջազգային ճանաչմանն ուղղված քայլերը, Հայաստանի դերակատարությունը ցեղասպանության կանխարգելման համաշխարհային օրակարգում, ցեղասպանության ժխտողականության և անպատժելության հետևանքները, ցեղասպանության և զանգվածային ոճրագործությունների վերաբերյալ արդյունավետ ուսուցմանը և կրթությանն ուղղված հավաքական ջանքերը և հայկական փորձը, ինչպես նաև 2020 թվականի սեպտեմբերի 27-ին Լեռնային Ղարաբաղի ժողովրդի դեմ սանձազերծված ռազմական ագրեսիան, որը ծրագրել և իրականացրել է Ադրբեջանը՝ Թուրքիայի քաղաքական և ռազմական լիարժեք աջակցությամբ և օտարերկրյա վարձկանների և ահաբեկիչների ներգրավմամբ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր