ՀՀ էներգետիկայի և բնական պաշարների նախարարի տեղակալ Հակոբ Վարդանյանը մասնակցեց «Էներգետիկայի և կապակցվածության ոլորտում բիզնես հնարավորությունները. Արևելյան գործընկերություն և Կենտրոնական Ասիա» թեմայով վիրտուալ համաժողովին

18 մայիսի, 2021

Մայիսի 18-ին ՀՀ էներգետիկայի և բնական պաշարների նախարարի տեղակալ Հակոբ Վարդանյանը որպես բանախոս մասնակցեց Չեխիայի Տրանսպորտի նախարարության և Արդյունաբերության կոնֆեդերացիայի աջակցությամբ Չեխիայի Արդյունաբերության և առևտրի նախարարության կողմից կազմակերպված «Էներգետիկայի և կապակցվածության ոլորտում բիզնես հնարավորությունները. Արևելյան գործընկերություն և Կենտրոնական Ասիա» թեմայով վիրտուալ համաժողովին: Միջոցառումը բացեց Չեխիայի Արդյունաբերության և առևտրի ու տրանսպորտի նախարար պարոն Կարել Հավլիչեկը: Արևելքի և Արևմուտքի միջև տրանսպորտային հաղորդակցության և էներգետիկ արդյունաբերության ու էներգետիկ քաղաքականության ոլորտում համագործակցության վերաբերյալ երկու հիմնական պանելային քննարկումների ընթացքում Արևելյան գործընկերության և Կենտրոնական Ասիայի երկրներից փորձագետները ներկայացրեցին իրենց երկրներում ոլորտային ներկայիս իրավիճակն ու համագործակցության հետագա հեռանկարները: Փոխնախարար Հ․Վարդանյանը մասնակիցներին ներկայացրեց Հայաստանի Հանրապետության առաջիկա տարիների էներգետիկ ռազմավարությունը: Եվրահանձնաժողովի՝ որպես հիմնական զեկուցողներ հանդես եկող ներկայացուցիչները, իրենց հերթին, ներկայացրեցին ներկայումս իրականացվող ծրագրերը և փորձի փոխանակման, համատեղ նախագծերի և նախաձեռնությունների հետագա հնարավորությունները:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր