Դեսպանության ներկայացուցչի մասնակցությունը Բելգրադում Երկրորդ համաշխարհային պատերազմում նացիզմի դեմ հաղթանակի և հիշատակի օրվան նվիրված միջոցառմանը

08 մայիսի, 2026

Մայիսի 8-ին դեսպանության խորհրդական, Բելգրադի գրասենյակի ղեկավար Հայկ Խեմչյանը ներկա գտնվեց 1939-1945թթ երկրորդ համաշխարհային պատերազմում նացիզմի դեմ հաղթանակի և հիշատակի օրվան նվիրված ծաղկեպսակների զետեղման միջոցառմանը, որը կազմակերպվել էր Սերբիայում Ուկրաինայի դեսպանության կողմից և որին ներկա էր Սերբիայի եվրոպական ինտեգրման նախարար Նեմանյա Ստարովիչը։

Մայիսի 9-ին Հայկ Խեմչյանը Երկրորդ համաշխարհային պատերազմում հաղթանակի տարեդարձին նվիրված պետական հանդիսավոր արարողության շրջանակներում դեսպանության անունից ծաղկեպսակ զետեղեց Բելգրադի ազատագրման ընթացքում զոհվածների հուշարձանին։ Միջոցառմանը ներկա էր Սերբիայի աշխատանքի, զբաղվածության, սոցիալական հարցերի և վետերանների հարցերով նախարար Միլիցա Ջուրջևիչ Ստամենկովսկին։ Հ.Խեմչյանը հարգանքի տուրք մատուցեց նաև խորհրդային բանակի նահատակված հայազգի սպաներ՝ մայոր Մկրտիչ Լիլոյանին և կապիտան Հայրապետ Կարապետյանին։ Նույն օրը Հայկ Խեմչյանը ներկա գտնվեց Բելգրադում Երկրորդ համաշխարհային պատերազմում ֆաշիզմի նկատմամբ տարած հաղթանակի օրվան նվիրված մշակութային միջոցառմանը, որին ներկա էին Սերբիայի Աժ նախագահ Անա Բրնաբիչը և Սերբիայի վարչապետ Ջուրո Մացուտը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր