ՀՀ դեսպան Աշոտ Հովակիմյանը մասնակցեց «Երևանյան երկխոսություն» երրորդ միջազգային համաժողովի աշխատանքներին

06 մայիսի, 2026

Մայիսի 5-6-ին ՀՀ դեսպան Աշոտ Հովակիմյանը մասնակցեց «Երևանյան երկխոսություն» երրորդ միջազգային համաժողովի աշխատանքներին։

Պրահայում ՀՀ դեսպանության հավատարմագրման երկրներից համաժողովին մասնակցեցին․

- Սերբիայից՝ Արտաքին գործերի նախարար Մարկո Ջուրիչի գլխավորած պատվիրակությունը, որի կազմում էին ԱԳՆ պետական քարտուղար Դամյան Յովիչը և գլխավոր քարտուղար Դուշան Կոզարևը; գենդերային հավասարության, կանանց նկատմամբ բռնության կանխարգելման և տնտեսական ու քաղաքական հզորացման հարցերով նախարար Տատյանա Մացուրան, հրատարակիչ և լրագրող Ռոբերտ Չոբանը, քաղաքագետ և լրագրող Բիլյանա Շահրիմանյան Օբրադովիչը, քաղաքական վերլուծաբաններ Իգոր Նովակովիչը, Դուշան Պրորոկովիչը և Դարկո Օբրադովիչը;

- Խորվաթիայից՝ Արտաքին և եվրոպական գործերի նախարարության պետական քարտուղար Անդրեա Մետելկո-Զգոմբիչը, Խորհրդարանի եվրոպական գործերի հանձնաժողովի փոխնախագահ, արտաքին գործերի հանձնաժողովի և ԵԽԽՎ-ում Խորվաթիայի պատվիրակության անդամ Իվան Ռաչանը, Խորհրդարանի նախկին պատգամավոր, Օսիյեկ քաղաքում գործող Միջազգային հարաբերությունների կենտրոնի նախագահ Դոմագոյ Խայդուկովիչը;

- Սլովենիայից՝ Բլեդի ռազմավարական ֆորումի ծրագրային տնօրեն, դեսպան Սիմոնա Լեսկովարը և նախկին փոխվարչապետ, Լյուբլյանայի համալսարանի պրոֆեսոր Յերնեյ Պիկալոն։ Մայիսի 6-ին Բլեդի Ռազմավարական ֆորումի հետ համատեղ կազմակերպվել էր պանելային քննարկում։

- «ԳԼՈԲՍԵԿ» վերլուծական կենտրոնի քաղաքականության մշակման և ծրագրերի իրականացման գծով տնօրեն Դոմինիկա Հայդուն։ Մայիսի 6-ին «Երևանյան երկխոսություն» միջազգային համաժողովի շրջանակում ՀՀ արտաքին գործերի նախարարության և «ԳԼՈԲՍԵԿ» վերլուծական կետրոնի (GLOBSEC) միջև ստորագրվել է փոխըմբռնման հուշագիր։ GLOBSEC-ի հետ համատեղ մայիսի 6-ին կազմակերպվել էր պանելային քննարկում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր