Դեկտեմբերի 19-ին ՀՀ դեսպանության ներկայացուցիչը մասնակցել է Diplomacy & Commerce ամսագրի կողմից Բելգրադում հավատարմագրված դիվանագիտական ներկայացուցչությունների համար կազմակերպված ճանաչողական այցելությանը

19 դեկտեմբերի, 2025

Դեկտեմբերի 19-ին Diplomacy & Commerce ամսագրի հրատարակիչ Color Media Group ընկերությունը Բելգրադում հավատարմագրված դիվանագիտական ներկայացուցչությունների համար կազմակերպել էր ճանաչողական այցելություն Նովի Սադ քաղաք, որին ներկա գտնվեցին Կոնգոյի ԴՀ, Չեռնոգորիայի և Լիբանանի դեսպանները, Միգրացիայի միջազգային կազմակերպության ներկայացուցիչը։ Այցելությանը մասնակցեց նաև Պրահայում ՀՀ դեսպանության Բելգրադի գրասենյակի ղեկավար Հայկ Խեմչյանը։

Նովի Սադ այցելության շրջանակներում, ի թիվս այլ տեսարժան վայրերի, դիվանագետներն այցելեցին նախկին հայկական եկեղեցու տեղում կանգնեցված խաչքար։ ՀՀ դեսպանության դիվանագետը գործընկերներին ներկայացրեց Նովի Սադի հայկական եկեղեցու պատմությունը, ինչպես նաև անդրադարձավ օրեր առաջ 1988 թ. Սպիտակի երկրաշարժի օրերին Հայաստանին հումանիտար օգնություն հասցնելիս զոհված սերբ օդաչուների հիշատակին նվիրված միջոցառմանը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր