Սեպտեմբերի 18-ին Պրահայի «Յակուբսկա» պատկերասրահում «Տերյան» մշակութային կենտրոնը ներկայացրել է «Ֆրանսիական ռիթմեր» ֆուտուրիստական հագուստի ստեղծագործական ցուցադրությունը

18 սեպտեմբերի, 2025

Սեպտեմբերի 18-ին Պրահայի «Յակուբսկա» պատկերասրահում «Տերյան» մշակութային կենտրոնը ներկայացրել է «Ֆրանսիական ռիթմեր» ֆուտուրիստական հագուստի ստեղծագործական ցուցադրությունը, որը ոգեշնչված է Շարլ Ազնավուրի երաժշտությամբ և նվիրված է նրա հիշատակին։ Նորարարական այս նախագիծը ստեղծվել է հայ նկարիչներ Լիլիթ Մելիքյանի և Քրիստինա Մկրտչյանի կողմից և կյանքի կոչվել ՀՀ կրթության, գիտության, մշակույթի և սպորտի նախարարության աջակցությամբ։ Հավաքածոի ցուցադրությունը Պրահայում, որը նվիրված էր Հայաստանի Հանրապետոթւթյան անկախության 34-ամյակին և Շարլ Ազնավուրի 100-ամյակին, կազմակերպվել է Չեխիայում ՀՀ դեսպանության կողմից՝ «Յակուբսկա» պատկերասրահի հետ համագործակցությամբ:

Միջոցառմանը ողջույնի խոսքով հանդես եկան Չեխիայում ՀՀ դեսպան Աշոտ Հովակիմյանը և «Տերյան» մշակութային կենտրոնի տնօրեն Լիլիթ Մելիքյանը։

Ցուցադրությանը ներկա էին Չեխիայում Ֆրանսիայի, Ավստրիայի, Ռումինիայի, Սերբիայի, Ղազախստանի դեսպանները, Սիրիայի գործերի ժամանակավոր հավատարմատարը, Իտալիայի և Ուկրաինայի փոխդեսպանները, դիվանագետներ, Չեխիայում ստեղծագործող հայազգի արվեստագետներ, հայ համայնքի ներկայացուցիչներ։

Չեխիայում ՀՀ դեսպանությունը հատուկ շնորհակալություն է հայտնում Ալյոնա և Ալեքսանդր Օնիշչենկոյին՝ պատկերասրահի տարածքը տրամադրելու և ցուցադրության կազմակերպմանն աջակցելու համար:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր