ՀՀ դեսպան Աշոտ Հովակիմյանը հյուրընկալեց ԵԱՀԿ-ի «Կառուցելով դիմացկուն ապագա փոփոխվող կլիմայական պայմաններում» խորագրով տնտեսական և բնապահպանական Ֆորումին մասնակցող ՀՀ պատվիրակությանը՝ ՀՀ շրջակա միջավայրի նախարարի տեղակալ Արամ Մեյմարյանի գլխավորությամբ

10 սեպտեմբերի, 2025

Սեպտեմբերի 10-ին ՀՀ դեսպան Աշոտ Հովակիմյանը հյուրընկալեց ԵԱՀԿ-ի «Կառուցելով դիմացկուն ապագա փոփոխվող կլիմայական պայմաններում» խորագրով տնտեսական և բնապահպանական Ֆորումին մասնակցող ՀՀ պատվիրակությանը՝ ՀՀ շրջակա միջավայրի նախարարի տեղակալ Արամ Մեյմարյանի գլխավորությամբ:

Սեպտեմբերի 11-ին, ՀՀ պատվիրակության կազմում, ՀՀ դեսպանը մասնակցեց Ֆորումի աշխատանքներին:

Ֆորումի շրջանակներում հայկական պատվիրակությունը հանդիպում ունեցավ Չեխիայի ԱԳ նախարարի տեղակալ Յան Մարիանի հետ: Հանդիպմանը ներկա էին նաև Չեխիայի շրջակա միջավայրի նախարարության աշխատակիցներ: Նախարարի տեղակալ Արամ Մեյմարյանը ներկայացրեց COP-17-ի նախապատրաստական աշխատանքները, կարևորելով չեխական կողմի ակտիվ մասնակցությունը և համագործակցությունը: Դեսպան Աշոտ Հովակիմյանը զրուցակցներին ներկայացրեց օգոստոսի 8-ին Հայաստանի և Ադրբեջանի միջև հարաբերությունների կարգավորման գործընթացում Վաշինգտոնում ձեռք բերված պայմանավորվածությունները, ինչպես նաև խաղաղության ինստիտուցիոնալիզացման ուղղությամբ Հայաստանի տեսլականը: Քննարկվեցին նաև հայ-չեխական երկկողմ օրակարգի, միջազգային կազմակերպությունների շրջանակներում համագործակցության մի շարք հարցեր:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր