ՀՀ դեսպան Աշոտ Հովակիմյանը հարգանքի տուրք մատուցեց՝ ի հիշատակ 1988թ. Սպիտակի երկրաշարժի օրերին Հայաստանին հումանիտար օգնություն տեղափոխելու ընթացքում զոհված սերբ օդաչուների

12 դեկտեմբերի, 2022

Դեկտեմբերի 12-ին Սերբիայում ՀՀ դեսպան Աշոտ Հովակիմյանը և Սերբիայի ռազմաօդային ուժերի և հակաօդային պաշտպանության հրամանատար, գեներալ-լեյտենանտ Դուշկո Ժառկովիչը՝ ՀՕՊ պատվո պահակախմբի հանդիսավոր արարողությամբ, հարգանքի տուրք մատուցեցին և ծաղկեպսակ զետեղեցին Զեմունում տեղադրված հայկական խաչքարին՝ ի հիշատակ 1988թ. Սպիտակի աղետալի երկրաշարժի օրերին Հայաստանին հումանիտար օգնություն տեղափոխելու ընթացքում զոհված սերբ օդաչուներ՝ Վլադիմիր էրչիչի, Պրեդրագ Մարինկովիչի, Միլենկո Սիմիչի, Միլան Միչիչի, Բորիշա Մոսուրովիչի, Միլիսավ Պետրովիչի և Յովան Զիսովի:

Հարգանքի տուրքի մատուցմանը ներկա էին զոհված օդաչուների հարազատները, Սերբիայի հայ համայնքի ներկայացուցիչներ և հայերի բարեկամներ։

Օրվա երկրորդ կեսին ՀՀ դեսպանն այցելեց Նովի Սադ և նորընտիր քաղաքապետ Միլան Ջուրիչի հետ հարգանքի տուրք մատուցեց և ծաղկեպսակ զետեղեց քաղաքի կենտրոնում, նախկին հայկական եկեղեցու տարածքում, ի հիշատակ սերբ օդաչուների տեղադրված խաչքարին: Այնուհետև տեղի ունեցավ ՀՀ դեսպանի և քաղաքապետի հանդիպումը, որտեղ քննարկվեցին Նովի Սադի և Գյումրիի միջև համագործակցության հաստատման խնդիրները: Քաղաքապետն ու դեսպանը հանդիպեցին նաև արարողությանը մասնակցելու նպատակով Սերբիայի տարբեր քաղաքներից Նովի Սադ ժամանած սերբահայերի ներկայացուցիչներին և օդաչուների հարազատներին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր