Հարգանքի տուրքի մատուցում և ծաղկեպսակների զետեղում Բելգրադում և Նովի Սադում՝ ի հիշատակ 1988թ. Սպիտակի աղետալի երկրաշարժի օրերին Հայաստանին հումանիտար օգնություն տեղափոխելու ընթացքում զոհված սերբ օդաչուների

12 դեկտեմբերի, 2021

Դեկտեմբերի 12-ին ՀՀ դեսպան Աշոտ Հովակիմյանը, Սերբիայի օդուժի և հակաօդային պաշտպանության պատվո պահակախմբի հանդիսավոր արարողությամբ, հարգանքի տուրք մատուցեց և ծաղկեպսակ զետեղեց Զեմունում տեղադրված հայկական խաչքարին՝ ի հիշատակ 1988թ. Սպիտակի աղետալի երկրաշարժի օրերին Հայաստանին հումանիտար օգնություն տեղափոխելու ընթացքում զոհված սերբ օդաչուներ Վլադիմիր էրչիչի, Պրեդրագ Մարինկովիչի, Միլենկո Սիմիչի, Միլան Միչիչի, Բորիշա Մոսուրովիչի, Միլիսավ Պետրովիչի և Յովան Զիսովի:

Հարգանքի տուրքի մատուցմանը ներկա էին զոհված օդաչուների հարազատները, Սերբիայի Ազգային ժողովի պատգամավորներ, հայ համայնքի ներկայացուցիչներ և հայերի բարեկամներ։

Օրվա երկրորդ կեսին ՀՀ դեսպանն այցելեց Նովի Սադ և հարգանքի տուրք մատուցեց և ծաղկեպսակ զետեղեց քաղաքի կենտրոնում, նախկին հայկական եկեղեցու տարածքում, ի հիշատակ սերբ օդաչուների տեղադրված խաչքարին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր