Դեսպան Սեյրանյանի հանդիպումը Չեխիայի խորհրդարանի Սենատի նախագահի հետ

04 հունվարի, 2017

Հունվարի 4-ին Չեխիայում Հայաստանի դեսպան Տիգրան Սեյրանյանը հանդիպում է ունեցել Չեխիայի Հանրապետության խորհրդարանի Սենատի նախագահ Միլան Շտյեխի հետ։

Դեսպանը նախ շնորհավորեց պարոն Շտյեխին նախորդ տարվա նոյեմբերի 16-ին խորհրդարանի վերին պալատի նախագահի բարձր պաշտոնում վերընտրվելու և Ամանորի կապակցությամբ։

Հանդիպման ընթացքում զրուցակիցները գոհունակությամբ փաստեցին հայ չեխական քաղաքական երկխոսության և մշակութային կապերի բարձր մակարդակը։ Սենատի նախագահը վերահաստատեց Չեխիայի դիրքորոշումն առ այն, որ Լեռնային Ղարաբաղի հիմնահարցը պետք է լուծվի միայն խաղաղ ճանապարհով՝ ԵԱՀԿ Մինսկի խմբի եռանախագահների միջնորդությամբ վարվող բանակցությունների միջոցով։ Հայ դիվանագետը և չեխ խորհրդարանականը քննարկեցին երկկողմ միջխորհրդարանական կապերի ընդլայնման 2017 թվականի ծրագրերը։

Հանդիպման մասնակիցները երկուստեք կարևորեցին հայ-չեխական տնտեսական գործակցության ներուժի արդյունավետ օգտագործումը։

Զրույցի ընթացքում անդրադարձ կատարվեց Սիրիայի վերջին զարգացումներին, մասնավորապես սիրիահայության վիճակին։

լուսանկարները՝ www.senat.cz

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր