Դեսպան Հովակիմյանը հյուրընկալեց «Gesmed Biotec» և «Areviatti Care» ընկերությունների ղեկավարներին

13 հուլիսի, 2026

Հուլիսի 13-ին դեսպան Աշոտ Հովակիմյանը հյուրընկալեց «Gesmed Biotec» ընկերության տնօրեն Գարեգին Սարդարյանին և «Areviatti Care» ընկերության համահիմնադիրներ Արփինե Սարդարյանին և ֆիտոթերապևտ Գաբրիելա Տուատիին:

Հյուրերը ներկայացրել են 1970-ական թթ. հայ միկրոբիոլոգ Էդուարդ Սարդարյանի կողմից հայտաբերված կենսաբանորեն ակտիվ նյութի՝ ՀՀ-ում սինթեզվող Տալարոմիցինի հիմքի վրա ստեղծված և Չեխիայում արտադրվող «Արևալի» բիոհավելումները, ինչպես նաև չեխական շուկայում ընկերության ներկայացվածության ընդլայնմանն ուղղված հետագա նախաձեռնությունները:

Զրուցակիցները կարծիքներ փոխանակեցին Հայաստան-Չեխիա գործարար համագործակցության հեռանկարների, ինչպես նաև դեսպանության հետ հնարավոր գործակցության հնարավորությունների վերաբերյալ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր