Նոյեմբերի 11-ին ՀՀ դեսպան Աշոտ Հովակիմյանն այցելեց զինված հակամարտությունների արդյունքում անհետ կորածների՝ Հայաստանից ժամանած տաս մայրերի և կանանց

11 նոյեմբերի, 2025

Նոյեմբերի 11-ին ՀՀ դեսպան Աշոտ Հովակիմյանն այցելեց զինված հակամարտությունների արդյունքում անհետ կորածների՝ Հայաստանից ժամանած տաս մայրերի և կանանց, ինչպես նաև նրանց ուղեկցող երկու հոգեբանների խմբին, որը Սլովենիայի Կիդրիչևո ավանում գտնվում էր այդ երկրի կառավարության ֆինանսական աջակցությամբ՝ «Մարդու անվտանգության խթանում» (ITF) կազմակերպության կողմից իրականացվող հոգեբանական-սոցիալական վերականգնման ծրագրի շրջանակում: Դեսպանն այցելեց նաև Ստարոշինցեի «Վերադարձ ձիուն» ձիավարժարան, որտեղ Հայաստանից ժամանած խումբը պետք է անցներ ձիաթերափիայի դասընթաց:

Նույն օրը ՀՀ դեսպանը հայ կանանց խմբի հետ, Սլովենիայի նախաահ Նատաշա Պիրց Մուսարի ամուսին Ալեշ Մուսարի հրավերով, Մարիբորում մասնակցել է Սբ. Մարտինի օրվա կապակցությամբ ավանդաբար կազմակերպվող գինու փառատոնին: Հայաստանցի հյուրերի պատվին Ա.Մուսարի անունից տրվել է ճաշ, որին մասնակցել են նաև Մարիբորի փոխքաղաքապետ Սրեչկո Վիլարը և ITF կազմակերպության տնօրեն, դեսպան Տոմաժ Լովրենչիչը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր