ՀՀ դեսպան Աշոտ Հովակիմյանին ընդունեց Նովի Սադի քաղաքապետ Միլան Ջուրիչը

19 դեկտեմբերի, 2024

Դեկտեմբերի 19-ին ՀՀ դեսպան Աշոտ Հովակիմյանին ընդունեց Նովի Սադի քաղաքապետ Միլան Ջուրիչը։ Հանդիպմանը քննարկվեցին Նովի Սադ և Գյումրի քաղաքների միջև համագործակցությանն առնչվող հարցեր։ Դեսպանը ներկայացրեց հայ-սերբական երկկողմ օրակարգի զարգացումներն ու Հայաստանի ջանքերը՝ ուղղված Հարավային Կովկասում կայուն խաղաղության հաստատմանը։

Հանդիպումից հետո դեսպան Հովակիմյանը և փոխքաղաքապետ Ալեքսանդար Պետրովիչը ծաղիկներ զետեղեցին քաղաքի կենտրոնում, նախկին հայկական եկեղեցու տարածքում, 1988թ. Սպիտակի երկրաշարժի օրերին Հայաստանին հումանիտար օգնություն հասցնելիս զոհված սերբ օդաչուներին ի հիշատակ տեղադրված խաչքարին, որին ներկա էին սերբահայեր, օդաչուների հարազատներ, ինչպես նաև այդ օրը Նովի Սադում գտնվող հայկական «Նոա» ֆուտբոլային ակումբի ղեկավար կազմը և երկրպագուները:

Նույն օրը դեսպան Աշոտ Հովակիմյանը Բաչկա Տոպոլա քաղաքում ներկա գտնվեց ՈՒԵՖԱ-ի կոնֆերենցիաների լիգայի «ՏՍՑ»-«Նոա» ֆուտբոլային հանդիպմանը, որին նախորդեց դեսպանի հանդիպումը Բաչկա Տոպոլայի քաղաքապետ Ադրիան Շատմարիի հետ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր